Deputat:  “Hansısa ərazidə şəhid qəbirlərini su basıbsa, deməli, yağış sularının toplanacağı nəzərdən qaçıb”
Ölkə
27.01.2021 12:48
449

Deputat: “Hansısa ərazidə şəhid qəbirlərini su basıbsa, deməli, yağış sularının toplanacağı nəzərdən qaçıb”

“Sosial şəbəkələrdə şəhidlərlə bağlı yazılan fikirləri izləyirik. Belə fikirlərin səsləndirilməsi xalqımızın ürəyindən deyil. Şəhidlərin xatirəsi bizim üçün həmişə əzizdir. Onlar canlarını Azərbaycanın ərazi bütövlüyü uğrunda fəda ediblər. Hansısa ərazidə şəhid qəbirlərini su basıbsa, deməli, yağış sularının toplanacağı nəzərdən qaçıb”.


MediaBaku.az xəbər verir ki, bunu Pravda.az-a açıqlamasında Milli Məclisin deputatı Azər Badamov deyib.


A.Badamov bildirib ki, bunu sosial şəbəkələrdə yayaraq təxribat xarakterli fikirlərin səsləndirilməsi yolverilməzdir: “Bütün şəhidlər dövlət tərəfindən dəfn edilib, onların ailəsinə dövlətin dəstəyi və qayğısı mövcuddur. Bir müddət öncə, şəhid ailələrinə verilən müavinət 300 manatdan 500 manata qaldırıldı. Digər müavinətlər də verilir. Bilirsiniz ki, şəhid ailələrinin mənzillə təminatı üçün proqram icra olunacaq, Prezident bununla bağlı tapşırıq verib. Xoşagəlməz ifadələrin səsləndirilməsi təxribatdır. Qəbirlərin su basması düşünülmüş şəkildə icra oluna bilməz. Bu, şəhidlərə, onların ailələrinə hörmətsizlik olar. Qeyd etdiyim kimi, dəfn zamanı əraziyə yağış sularının toplanmasını nəzərə almayıblar. Ailələr şəhidlərin dəfn edildiyi yerlə razı deyillərsə, müvafiq qurumlara müraciət etməlidirlər, məsələ qanunauyğun şəkildə həllini tapmalıdır. Bu, təbii ki, şəhid ailələrinin ürəyincə olmalıdır”.


Qeyd: İkinci Qarabağ müharibəsində şəhid olan 17 hərbi qulluqçunun ailə üzvləri Qaradağ rayonunda aksiya keçiriblər. Onlar qəbirlərin su basmasından narazıdırlar, və yerin dəyişdirilməsini tələb edirlər.

Loading...