General Rövşən Əkbərov:  “Hazırda ordu ilə əlaqəm yoxdur”
Cəmiyyət
10.12.2020 11:14
420

General Rövşən Əkbərov: “Hazırda ordu ilə əlaqəm yoxdur”

Azərbaycan prezidenti İlham Əliyev ikinci Qarabağ savaşında xüsusi xidməti olan hərbçilərimizə ali hərbi rütbələr, orden və medallar verilməsi barədə sərəncamlar imzalayıb.

MediaBaku.az xəbər verir ki, sərəncamlarda əsas diqqət çəkən məqamlardan biri də bəzi məşhur generalların və yüksək rütbəli zabitlərin adlarının siyahıda olmamasıdır..

Hamının hələ də Ordu korpuslarından birinin komandiri hesab etdiyi  general-leytenant, Azərbaycanın Milli Qəhrəmanı Rövşən Əkbərovun adının bu siyahıda olmaması ictimaiyyətdə suallar doğurub.

Gununsesi.info-nun əməkdaşı bu suala aydınlıq gətirməsi üçün generalın özü ilə danışıb.

Geniş açıqlama vermək niyyətində olmadığını deyən Rövşən Əkbərov "hazırda ordu ilə heç bir əlaqəm yoxdur. Başqa işlə məşğulam. Ona görə də nəsə danışmayacağam” deyərək telefonun dəstəyini asıb.

Loading...