Hərbçilərin “Heydər zirvəsi”nə ekspedisiyası başa çatıb
Ölkə
10.05.2022 16:03
644

Hərbçilərin “Heydər zirvəsi”nə ekspedisiyası başa çatıb

Xalqımızın ümummilli lideri Heydər Əliyevin anadan olmasının 99-cu ildönümü ilə əlaqədar Azərbaycan Prezidentinin müvafiq sərəncamı ilə yaradılmış Milli Müdafiə Universitetinin Heydər Əliyev adına Hərbi İnstitutunun kursantlarının və Hərbi Hava Qüvvələrinin  hərbi qulluqçularından ibarət nümayəndə heyətinin iştirakı ilə təşkil olunan “Ulu Öndər” adlı ekspedisiya uğurla başa çatıb.

Böyük Qafqaz sıra dağlarının Qızılqaya massivində dəniz səviyyəsindən 3751 metr yüksəklikdə yerləşən “Heydər zirvəsi”nə qalxan alpinistlər Ümummilli Liderin barelyefi önündə onun əziz xatirəsini dərin hörmət və ehtiramla yad edib, burada Azərbaycan Respublikasının Dövlət Bayrağını  dalğalandırıblar.

MediaBaku.az xəbər verir ki, bu barədə  Müdafiə Nazirliyindən məlumat verilib.

Bildirilib ki, əvvəlcə alpinistlər Fəxri xiyabanda ümummilli lider Heydər Əliyevin məzarını ziyarət edərək gül  dəstələri qoyublar.

Ekspedisiya üzvləri təyin olunmuş marşrut üzrə “Heydər zirvəsi”nə yürüş  ediblər.

Loading...
Loading...